Ózbek tiline mámleketlik til biyligi berilgenligine 35 jıl toldı
Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakulteti úlken májilisler zalında 21-oktyabr — Ózbek tiline mámleketlik til biyligi berilgenligine 35 jıl tolıwı múnásibeti menen saltanatlı bayram keshesi ótkerildi.
Keshege fakultet dekanı B.Fayzullaev, filial "Ózbek tili hám shet tiller kafedrası" baslıǵı U.Jaksimova, "Telekommunikaciya injiniringi kafedrası" aǵa oqıtıwshısı T.Babajanova, "Ózbek tili hám shet tiller kafedrası" assistent oqıtıwshısı D.Sidikova, tyutorlar hám de student-jaslar qatnastı.
Ilaj dawamında sózge shıqqanlar ózbek tiline mámleketlik til biyligi berilgen sáne hám onıń áhmiyeti, mámleketlik tilde is júritiw, sonday-aq, ózbek tiliniń mámleketlik til sıpatında abıroyın asırıwda til tazalıǵına itibarlı bolıw máseleleri boyınsha túsinikler berdi hám sáne múnásibeti menen jıynalǵanlardı qutlıqladı.
Keshe dawamında fakultettiń 1-basqısh student-jasları tárepinen ádebiy keshe shólkemlestirdi.
