9-may —Eslew hám qádirlew kúni hámde Ekinshi jáhán urısında erisilgen jeńistiń 79 jıllıģı belgilendi.
9-may Eslew hám qádirlew kúni
Búgin 9-may - Eslew hám qádirlew kúni. Ekinshi jáhán urısında erisilgen jeńiske 79 jıl toldı. Bayram hám jeńis kúni múnásibeti menen urıs qatnasıwshıların, húrmetli veteranlardı, gúllan xalqımızdı Muhammed al-Xorezmiy atındaǵı TITU Nókis filialı jámááti atınan qızǵın qutlıqlaymız hám eń iygilikli tileklerimizdi bildirip qalamız!
Xalıqaralıq birge islesiw
Xabarıńız bar, Qaraqalpaqstan Respublikası Joqarı bilimlendiriw, ilim hám innovaciyalar ministrligi delegaciya aǵzaları hàmde filialımız direktor w.w.a. R.I.Oteniyazov házirgi waqıtta Tatarstan Respublikasında xızmet saparında bolıp tur.
Búgin 5-may Ózbekstan qaharmanı, Ózbekstan hám Qaraqalpaqstan xalıq shayırı, Poeziya bayteregi, Berdaq atındaģı mámleketlik sıylıqtıń laureatı, qaraqalpaq poeziyasınıń sónbes juldızı Ibrayım Yusupovtıń tuwılģan kúni!
Poeziya juldızınıń "95 jıllıģı" menen bárshe kanalımız aģzaların shın júrekten qutlıqlaymız!
Tatarstan Respublikası basshısı Respublikamızǵa xızmet saparı dawamında Qaraqalpaqstan Respublikası Joqarģı Keńesi Baslıģı menen bir qatar tarawlarda birge islesiw, tájriybe almasıw máselesi boyınsha is-ilajlar rejesin tastıyıqlaǵan edi.
Dúzilgen birge islesiw rejesinde eki Respublika ortasında Joqarı hám professional bilimlendiriw sistemasında alıp barılıp atırǵan jumıslar boyınsha tájriybe almasıw, bul baǵdardaǵı eki tárepleme paydalı birge islesiwlerdi jolǵa qoyıw ayrıqsha atap kórsetilgen edi.