Filialımızda “Erasmus+” hápteligi sheńberinde seminar bolıp ótti
“Erasmus+” hápteligi sheńberinde, búgin Muhammed al-Xorezmiy atındaġı TITU Nókis filialında “Qaraqalpaqstan joqarı oqıw orınlarında ámelge asırılǵan Erasmus+ joybarlarınıń eń jaqsı tájriybeleri” temasında seminar bolıp ótti.
Seminardı Ilimiy isler hám innovaciyalar boyınsha direktor orınbasarı B.Aytmuratov ashıp berdi.
Seminarda TITU Nókis filialı IT kafedrası baslıǵı, docent A.Tureniyazova “Keleshektegi bántlik, innovaciyalar, turaqlı ekosistemalar universitet-sanaat birge islesiwin jedellestiriw hám inklyuziv xalıqaralastırıw” hám “Erasmus+ programmasınıń oqıtıwshılar hám studentler ushın imkaniyatları” tuwralı sóz etken bolsa, PhD B.Paluanov “Qaraqalpaqstan JOOlarında ICM joybarları: tájriybeler hám mashqalalar” hám “Qaraqalpaqstanda ámelge asırılġan Erasmus+ CBHE joybarlarınıń eń jaqsı tájriybeleri” haqqında toqtalıp ótti.
Sonday-aq, seminarda xalıqaralıq kredit mobilligi, Joqarı oqıw orınları potencialın kóteriw haqqında keńnen sóz bardı.