Filialımız studentleri iyis gázinen záhárleniw halatlarınıń aldın alıw hám órt qáwipsizligi qaǵıydaları menen tanıstı
Muhammed al-Xorezmiy atındaģı TITU Nókis filialı "Kompyuter injiniringi" fakultetinde “Iyis gázinen záhárleniwdiń aldın alıw hám órt qáwipsizligi qaǵıydaları” boyınsha seminar ótkerildi.
Onda fakultet dekanı orınbasarı Sh.Baymuratov, Ayrıqsha jaǵdaylar bólimi ispektorları, bir qatar juwapkerler, tyutorlar hám student jaslar qatnastı. Nókis qalası Ayrıqsha jaǵdaylar bólimi inspektorlari Z.Bayisov hám D.Keńesbayevlar tárepinen studentler ushın kerekli maǵlıwmatlarǵa toqtalıp ótildi. Atap atyqanda, órttiń aldını alıw, órt júz bergen jaǵdayda birinshi qılınıwı kerek bolǵan qáwipsizlik qaǵıydaları haqqında keńnen túsinikler berildi.
Sonday aq, student-jaslar ushın Nókis qalalıq Ayrıqsha jaǵdaylar bólimi ispektorları tárepinen “Órtten sergeklik” atlı oqıw-kórgizbesi ótkerildi.
