Abaylı bolıń, internette aldawshılar!
2025-jıl 16-aprel kúni Muhammed al-Xorezmiy atındaǵı TITU Nókis filialı "Kompyuter injiniringi" fakultetinde student-jaslar qatnasıwında "Abaylı bolıń, internette aldawshılar!" atamasında profilaktikalıq ushırasıw bolıp ótti.
Ushırasıwda fakultet jaslar máseleleri boyınsha dekan orınbasarı Sh.Baymuratov, Nókis kánshilik institutı inspektorı A.Bekbergenov, fakultet tyutorı A.Xalmuratov hám student-jaslar qatnastı.
Ilaj dawamında jaslar arasında jınayatshılıqtıń aldın alıw, internette tarqalıp atırǵan aldawshılıq sxemalarınan xabardar bolıw, jeke maǵlıwmatlardı qorǵaw, universitettiń ishki tártip-qaǵıydalarına ámel etiw máseleleri boyınsha tolıq maǵlıwmatlar berildi.
Qánigeler tárepinen real mısallar arqalı aldawshılar qanday usıllardan paydalanıp atırǵanı, olardıń duzaǵına túsip qalmaw ushın nelerge itibar beriw zárúr ekenligi atap ótildi.
Bunday ushırasıwlar student-jaslardı xabardar etiw, sergeklikti arttırıw hám huqıqbuzarlıqlardıń aldın alıwda ayrıqsha áhmiyetke iye.
