NMTUda "Sporshılar hám student-jaslar" atamasındaǵı ushırasıw bolıp ótti
Búgin, Nókis mámleketlik texnika universitetinde "Sportshılar hám student-jaslar" atamasında ushırasıw bolıp ótti. ushırasıwǵa universitet rektorı w.w.a M.Artikbaev, sport ustası P.Otepbergenov, Hayal-qızlar gúresinen Aziya chempionatı qola medalı jeńimpazı Sh.Allaniyazova, dekan orınbasarları U.Turımbetov, Sh.Baymuratov Jaslar awqamı baslanǵısh shólkemi jetekshisi Z.Maxsetbaev tyutorlar hám student-jaslar qatnastı.
Dáslep, ilajdi universitet rektorı w.w.a M.Artikbaev kiris sбz benen ashıp berdi hám óz sózinde: sport - bul "Bes áhmiyetli baslama" nıń biri ekenligi hám jaslar arasında salamat turmıs tárizin úgit-násiyatlaw, fizikalıq belsendilikti arttırıw, qalaberse watanǵa sadıqlıq ruwxında tárbiyalawdıń áhmiyetli faktorlardıń biri ekenligin atap ótti.
Ushırasıw dawamında sporchılar óz tájiriybeleri, jeńisleri hám ushırasqan qıyınshılıqları haqqında aytıp beredi. Bul bolsa jaslarda isenim, miynet súygishlik hám umtılıwshańlıq sıyaqlı áhmiyetli pazıyletlerdi qáliplestiriwge xızmet etedi. Sonday-aq, sporchılar menen tikkeley sóylesiw jaslarımızǵa óz baǵdarların anıqlawda, arzıw-nietlerge qaray isenimli umtılıwda úlken túrtki bolıp esaplanadı. Ushırasıw juwmaǵında sporchılarǵa estelik minnetdarshılıq xatları, estelik sawǵaları tapsırıldı.
