"Studentler báhári" festivalı sheńberinde jas isbilermenler forumı
2025-jıl 25-aprel kúni "Studentler báhári" festivalı sheńberinde Qaraqalpaqstan Respublikası Sawda-sanaat Palatasında shólkemlestirilgen jas isbilermenler forumında Nókis mámleketlik texnika universiteti student-jasları hám tyutorları belsene qatnastı.
Forum dawamında studentlerge aymaqlıq ónermentler kórgizbesi kórsetildi. Kórgizbede milliy ónimler, qol miyneti menen tayarlanǵan buyımlar hám dóretiwshilik qollanbalar usınıldı.
Sonday-aq, jas isbilermenler menen ashıqtan-ashıq sáwbet shólkemlestirildi. Olar studentler menen ózleriniń biznes tájiriybeleri, jumıs jolı hám erisilgen jetiskenlikleri haqqında pikir almastı. Bul ushırasıw studentlerge ámeliy bilim hám motivaciya berdi.
Shólkemlestirilgen ilaj studentlerdiń kásiplik kózqarasın keńeytiw, keleshektegi joybarları ushın áhmiyetli bilim hám tájiriybelerdi alıwına xızmet etti.
