Studentlerimiz IT Park iskerligi menen tanıstı
Muhammed al-Xorezmiy atındaǵı TITU Nókis filialı "Kompyuter injiniringi" fakulteti 2-kurs studentleri IT Park iskerligi menen tanıstı.
Fakultet tyutorı Q.Aytbaev basshılıǵında studentler IT Parkke bardı. Ilaj dawamında studentler zamanagóy informaciya texnologiyaları, startap joybarlar, innovaciyalıq ortalıq hám IT baǵdarındaǵı jumıs iskerligi menen jaqınnan tanıstı.
Studentlerge IT Park jumısı, ol jerde jumıs alıp barıp atırǵan kompaniyalar, jas qánigeler ushın jaratılǵan imkaniyatlar, sonday-aq, óz startapın baslaw boyınsha ámeliy usınıslar berildi.
Bunday ilajlar jaslardıń kásiplik baǵdarın anıqlaw, zamanagóy IT bazarın úyreniw hám keleshek rejeleri ústinde oylawǵa túrtki beredi.
