Ózbekstan ulıwma úyimiz!
Muhammed al-Xorezmiy atındaǵı TITU Nókis filialında "Ózbekstan - ulıwma úyimiz" atamasındaǵı doslıq festivalı bolıp ótti.
Búgin, 1-may kúni Muhammed al-Xorezmiy atındaǵı TITU Nókis filialında "Ózbekstan - ulıwma úyimiz" atamasındaǵı doslıq festivalı joqarı shólkemleskenlik penen bolıp ótti. Festivaldı TITU Nókis filialı Oqıw isleri boyınsha direktor orınbasarı Xayratdin Seytkamalov ashıp berdi hám alıp bardı. Sonday-aq, Qaraqalpaqstan Respublikası Joqarı Keńesi Komitet baslıǵı Tajibay Romanov, Qaraqalpaqstan Respublikası Joqarı Keńesi deputatı Venera Kalenova, Nókis qalası "Nuranıy" qorı baslıǵı Karamatdin Kalenderov, Xalıq deputatları Nókis qalalıq Keńesi deputatı Gawhar Qudiyarova hám Qaraqalpaqstan Musılmanlar qaziyatı qazısı orınbasarı Aybek Jolawshiev sózge shıqtı.
Bul festivalda mámleketimizdegi 130 dan aslam millet wákilleri bir shańaraqtıń perzentlerindey tatıwlıqta, awızbirshilikte jasap túrli tarawlarda nátiyjeli miynet etip atırǵanı ayqın sáwlelengen.
